کوئٹہ۔ 29 اگست (اے پی پی) وزیراعظم میاں محمد شہبازشریف آکھیے اساں مصمم ارادے اتے اجتماعی بصیرت نال بلوچستان اچ دہشتگردی کوں منڈھوں مکیسوں تے دہشت گرداں کوں کیفرکردار تئیں پڄیسوں ، بلوچستان اچ تھیوݨ آلے اڄوکے ݙراکلے واقعات تے پوری قوم ݙکھ یاے ، دہشتگردی دے منصوبے دے تحت بے گناہ پاکستانیاں دا خون وہاوݨ آلے خارجی دہشتگرداں دا سرکچلیا ویسی۔اے ڳالھ انہاں کوئٹہ اچ نیشنل ایکشن پلان دی صوبائی ایپکس کمیٹی دے اجلاس توں خطاب اچ آکھی اے ۔ ایں موقع تے چیف آف آرمی اسٹاف جنرل عاصم منیر،نائب وزیراعظم اتے وزیر خارجہ اسحاق ڈار،گورنر بلوچستان شیخ جعفرخان مندوخیل، وزیراعلی بلوچستان میرسرفرازبگٹی ،وفاقی وزیر داخلہ محسن نقوی ،وفاقی وزیر منصوبہ بندی احسن اقبال ،وفاقی وزیر اطلاعات ونشریات عطا تارڑ،وفاقی وزیر تجارت جام کمال ،کورکمانڈر بلوچستان راحت نسیم احمد ،چیف سیکرٹری شکیل قادر تے ٻئے موجود ہن ۔وزیراعظم شہبازشریف آکھیے 26اگست کوں بلوچستان اچ دہشتگردی دا جیڑھا واقعہ پیش آئے او ٻہوں دل ݙکھاوݨ آلا اے ایں واقعے تے پورے پاکستان دے عوام اچ تشویش پاتی ویندی اے ، ایں ݙراکلے واقعہ تے پوری پاکستانی قوم ݙکھی اے لیکن اساں واضح کریندوں جو اساں اجتماعی بصیرت وقوت ارادی تے غ??رمتزلزل ارادے نال بلوچستان اچ دہشتگردی کوں منڈھوں مکیسوں ،بلوچستان پاکستان دا ھک اہم تے سوہݨا صوبہ اے جیں دی ترقی تے خوشحالی دے رستے اچ آندیاں ساریاں رکاوٹاں ہٹائیاں ویسن ۔وزیراعظم آکھیے پاکستان ا?? خارجی عناصردہشتگردی دا منصوبہ بݨایا تے بے گناہ پاکستانیاں دا خون وہائے جئیں اچ قانون نافذ کرݨ آلے اداریں ،ایف سی،لیویز اہلکاراں سودھے عام شہری شامل ہن لیکن شہدا دا لہو ضائع نہ ونڄݨ ݙتا ویسی ۔ وزیراعظم آکھیے ایندے اچ کوئی شک کائنی جو اللہ تعالی دے فضل وکرم نال افواج پاکستان، چیف آف آرمی سٹاف جنرل عاصم منیر اتے وزیراعلیٰ بلوچستان دی لیڈر شپ اچ وفاقی حکومت دے پورے تعاون نال دہشتگردی کوں منڈھوں مکا ݙیسی ، دہشتگردی پورے پاکستان اچ 2018 دے بعد جیڑھا ول سرچاتے ایندا سر کچل ݙتا ویسی،پاکستان دی ترقی وخوشحالی سانڳے ساریں کوں رل تے اڳوں ودھݨا ہوسی ۔وزیراعظم شہبازشریف آکھیے قائداعظم محمد علی جناحؒ ،علامہ محمد اقبالؒ دے رستے تے چلدے وطن عزیز دے استحکام سانڳے آپݨی جاناں دا نذرانہ ݙیوݨ آلیں دی قربانی ضائع نہ ونڄݨ ݙیسوں ،وزیراعظم ایں عزم دا اظہار کیتے جو مصمم ارادے نال اجتماعی کوششاں نال دہشتگردی مکیسوں
