ٹیکس چوری اچ ملوث لوکاں نال جرم اچ ہتھ ونݙاوݨ آلے افسراں تے اہلکاراں کوں وی سزا ملسی، وزیراعظم شہباز شریف دی اڳواݨی اچ ایف بی آر دی اصلاحات تے اعلیٰ سطح جائزہ اجلاس
APP03-050724
ISLAMABAD: July 05 - Prime Minister Muhammad Shehbaz Sharif chairs a review meeting on Digitization and Reforms of FBR. APP/MAF/FHA
اسلام آباد۔5جولائی(اے پی پی)وزیرِاعظم محمد شہباز شریف آکھیے ارباں روپے دی ٹیکس چوری روکݨ سانڳے ٹیکس نظام دی ڈیجیٹلائزیشن حکومت دی اڳونہی ترجیح اے، ٹیکس چوری اچ ملوث لوکاں نال ایں جرم اچ ہتھ ونݙاوݨ آلے افسراں تے اہلکاراں کوں وی سزا ملسی، عوام دے پیسے تے ڈاکہ پاوݨ آلیں کوں معاف نہ کیتا ویسی، ٹیکس چوری دا تخ??ین?? اتے اینکوں روکݨ دی جامع رپورٹ پیش کیتی ونڄے۔ وزیراعظم آفس دے میڈیا ونگ توں جا??ی بیان موجب اے ڳالھ انہاں ایف بی آر دی اصلاحات تے اعلیٰ سطح دے جائزہ اجلاس دی اڳواݨی کریندے آکھی?? اجلاس اچ وفاقی وزراء محمد اورنگزیب، احد خان چیمہ، وزیرِ مملکت علی پرویز ملک، وزیرِ اعظم دے کوآرڈینیٹر رانا احسان افضل، چیئرمین ایف بی آر، پاکستان بزنس کونسل دے سی ای او احسان ملک، کارانداز دے سی ای او وقاص الحسن اتے متعلقہ حکام نال ڈاکٹر شمشاد اختر، نوید اندرابی، آصف پیر اتے علی ملک وڈیو لنک تے شرکت کیتی?? اجلاس اچ وزیراعظم کوں ایف بی آر دے جاری ڈیجیٹلائزیشن اتے اصلاحات تے بریفنگ ݙتی ڳئی۔ وزیراعظم آکھیے اینجھے لوک (نان فائلرز ) جیڑھے ٹیکس ݙیوݨ دی صلاحیت رکھیندن تے گوشوارے جمع نی کرویندے انہاں کوں وختی طور تے ٹیکس نیٹ اچ گھن آیا ونڄے، کسٹمز اپریزرز دا صوابدیدی اختیار وختی ختم کیتا ونڄٖے، چیئرمین ایف بی آر آندے 24گھنٹے اچ انہاں ہدایات دا نفاذ یقینی بݨا تے رپورٹ پیش کرن۔ انہاں آکھیے پاکستانی عوام دے پیسے تے ڈاکہ پاوݨ آلے انہاں دا ساتھ ݙیوݨ آلیاں کوں معاف نہ کیتا ویسی، اینڄھے ٹیکس دہندگان جیڑھے وختی آپݨی ذمے واری پوری کریندن انہاں دی حوصلہ افزائی کیتی ویسی، بندرگاہواں تے جدید اتے بین الاقوامی معیار دے سکینرز لائے ویسن جیں توں نظام اچ شفافیت تے کرپشن دا خاتمہ تھیسی۔ انہاں آکھیے ٹیکس چوری دا تخ??ین?? اتے اینکوں روکݨ دے حوالے نال ھک جامع رپورٹ پیش کیتی ویسی، ارباں روپے دی ٹیکس چوری روکݨ سانڳے ٹیکس نظام دی ڈیجیٹلائزیشن حکومت دی ترجیح اے، ٹیکس نظام دی ڈیجیٹلائزیشن تے اصلاحات دے نفاذ تے پیشرفت دی نگرانی سانڳے وختی ھک ڈیش بورڈ بݨایا ونڄے، ٹیکس تے عالمی سطح تے رائج بہترین نظام کوں پاکستان اچ نافذ کیتا ویسی، ٹیکس پالیسی بݨاوݨ سانڳے پیشہ وارانہ طور تے چنڳی شہرت رکھݨ آلے افسراں تے ماہرین کوں تعینات کیتا ونڄے?? اجلاس کوں ݙسایا ڳئے ایف بی آر دی ڈیجیٹلائزیشن دے نفاذ اچ 45 لکھ اینڄھے لوکاں دی نشاندہی کیتی ڳئی اے جیڑھے ٹیکس ݙیوݨ دی استعداد رکھیندن ٻھل ٹیکس نیٹ وچ کائںی، حکومتی اقدامات دے نتیجے اچ گزریل کڄھ ہفتیں اچ 3 لکھ توں ودھ نویں ٹیکس دہندگان اپݨے گواشورے جمع کرائن، گزریل ݙو ہفتے اچ انڈر انوائسنگ اتے نقلی سیلز ٹیکس ریفنڈز کرݨ آلیاں 4 ہزار کمپنیاں دی نشاندہی کرتے ریفنڈز روکیے ڳئن?? اجلاس اچ ݙسایا ڳئے جو ایف بی آر اچ اصلاحات اتے ڈیجیٹلائزیشن سانڳے وزیرِاعظم دی ہدایات تے عمل جاری اے۔ ایف بی آر دے موجودہ نظام اتے افرادی قوت دے حوالے نال جائزہ اپݨے حتمی مرحلے وچ اے ۔ وزیراعظم ایف بی آر دی ڈیجیٹلائزیشن اتے اصلاحات دے حوالے نال معینہ اہداف نال جامع لائحہ عمل آندے اجلاس اچ سݙ ڳھدے۔
