ڈالر دے مقابلے اچ روپے دی قدر گھٹ تھیونڑ نال فکر کرنڑ دی لوڑھ کائنی،وزیر اعظم عمران خان دا جے ڈبلیو فور لینڈ کار مینوفیکچرنگ پلانٹ دی افتتاحی تقریب توں خطاب

اسلام آباد ۔ 30 نومبر (اے پی پی) وزیراعظم عمران خان آکھیا جو باہرلی سرمایہ کاری دے نال نال ٹیکنالوجی دی منتقلی نال ملک اچ حقیقی ترقی تھیندی اے،روزگار دے موقع پیدا تھیندن اتے بئی سرمایہ کاراں کوں ریس امدی اے،ڈالر دے مقابلے اچ روپے دی قدر گھٹ تھیونڑ نال فکر کرنڑ دی لوڑھ کائنی،اے وقتی ری ایڈجسٹمنٹ ہوندی اے،سرمایہ کاری اتے قیمتی زرمبادلہ آونڑ نال معاشی صورتحال بہتر تھیسی جئیں تے حکومت خصوصی توجہ ڈیندی پئی اے۔اے گالھ انہاں جمعہ کوں جے ڈبلیو فور لینڈ کار مینوفیکچرنگ پلانٹ دی افتتاحی تقریب توں خطاب کریندیں ہوئیں آکھی جیڑھی جو چینی اتے پاکستانی کمپینیاں دا سانجھا منصوبہ اے۔وزیراعظم ’ بین الاقوامی ممتاز مینوفیکچرنگ کمپنی دی سرمایہ کاری دا خیر مقدم کریندیں ہوئیں آکھیا جو پاکستان اچ سرمایہ کاری آونڑ اتے سانجھے منصوبے شروع تھیونڑ تے آفریدی برادران کوں مبارک باد ڈتی۔انہاں آکھیا جو پاکستان اچ پہلی واری کارمینوفیکچرنگ یونٹ بنڑدا پئے ،پہلے اتھاں صرف کاراں دے اسمبلی پلانٹ ہوندے ہن جڈانجو ہنڑ انجن توںگھن کراہیں سارے حصے پاکستان اچ بنڑسن۔وزیراعظم آکھیا جو گزریل حکومت دے 100ڈینھ پورے تھیونڑ دی تقریب اچ اپنڑے خطاب اچ ایں امرتے زور ڈتا جو اساکوں سوچ بدلنڑ دی لوڑھ اے،ساکوں سرمایہ کاری سانگے سوکھ پیدا کرنڑی پمسی،سرمایہ کاری امدی اے تاں ملازمتاں پیدا تھیندن،ڈالر یعنی قیمتی زرمبادلہ امدے،ایں ویلھے اساڈا ساریاں توں وڈا مسئلہ کرنٹ خسارہ اے جیڑھا جو تقریباً 18ارب ڈالر اے۔حکومت ایں خسارے کوں پورا کرنڑاں اے،ساکوں درآمدات سانگے ڈالر چاہیدن ،قرضے دی قسطاں ڈیونڑ تاں ڈالر چاہیدے،ایں پاروں ڈالر دے مقابلے اچ روپیہ گھٹ ویندے ۔انہاں آکھیا جو جئیں ویلھے اتنا خسارہ ودھ ویندے تاں تھوڑے ویلھے سانگے اوکھ تھیندی اے ،اے انشاءاللہ اگوں ونج تے ٹھیک تھی ویسی،ساکوں ڈالراں دی گھٹکی کائنا ہوسی،جینویں چینی کمپنی 900ملین ڈالر دی سرمایہ کاری کیتی اے ،نال نال معیشت ودھسی اتے اتھاں کاراں بنڑاونڑ دے نال نال اساں کاراں برآمد وی کر سگسوں اتے ایں نال زرمبادلہ ودھسی۔

مضمون کا ماخذ : melhores loterias do Brasil

متعلقہ مضامین