غزه تي اسرائيلي هوائي حملن ۾ ٻارن سميت فلسطينين جي شهادت جنگي ڏوهه آهي: ايمنسٽي انٽرنيشنل

لنڊن -14 جون (اي پي پي) انساني حقن جي عالمي تنظيم ايمنسٽي انٽر نيشنل چيو آهي، ته گذريل مهيني غزه تي ڪيل اسرائيلي حملا ڏوهن جي ذمري ۾ اچي سگهن ٿا، تنظيم چيو آهي، ته فلسطينين خلاف راڪيٽ فائر ڪرڻ جي الزامن جي به تحقيقات ٿيڻ گهرجي، سعودي عرب جي ميڊيا مطابق لنڊن ۾ قائم انساني حقن جي گروپ الزام لڳايو آهي، ته اسرائيلي حملا فوجي ضرورت بنا شهري آبادي خلاف اجتماعي سزا جي هڪ صورت برابر آهن. ايمنسٽي انٽرنيشنل جو چوڻ اهي ته اسرائيل جي فوج جي ڪارروائين ۾ 2943 رهائشي يونٽن کي نقصان پهتو جن ۾ 103 گهر مڪمل طور تي تباهه ٿيا آهن. بيان ۾ چيو ويو آهي ته اسرائيل بظاهر طاقت جو اڻبرابري جو استعمال ڪندي هوائي حملا ڪيا جنهن ۾ ٻارن سميت فلسطيني شهري شهيد ۽ زخمي ٿيا، اهو هڪ جنگي ڏوهه آهي. ايمنسٽي انٽرنيشنل جي وچ اوڀر ۽ اتر آفريقا جي ريجنل ڊائريڪٽر چيو آهي، ته اسرائيل طرفان فلسطينين خلاف بار بار ڪيل جنگي ڏوهه ۽ غزا پٽي تي 16 سالن کان غيرقانوني ناڪابندي سبب وڌيڪ ڀڃڪڙين جي حوصلا افزائي ٿئي ٿي ۽ ناانصافين کي هتي ملي ٿي. فلسطيني تنظيم جهاد اسلامي جي ترجمان ايمنسٽي جي ان رپورٽ جي آجيان ڪئي آهي. بيان ۾ چيو ويو آهي ته اسان اسرائيل جي فلسطيني عوام خلاف ڏوهن تي پنهنجو دفاع ڪرڻ لاءِ ڪردار ادا ڪري رهيا آهيون. واضح رهي ته اسرائيل، آمريڪا ۽ يورپي يونين جهاد اسلامي کي دهشتگرد گروپ قرار ڏئي رکيو آهي.

مضمون کا ماخذ : بلوچستان لاٹری

متعلقہ مضامین