سپریم کورٹ ملک اچ عام انتخابات ھکے ݙینھ کراوݨ متعلق کیس دی سماعت ملتوی کرݙتی

اسلام آباد۔27اپریل(اے پی پی) چیف جسٹس آف پاکستان عمرعطا بندیال دی سربراہی اچ عدالت عظمیٰ دے ترائے رکنی بنچ خمیس کوں پورے ملک اچ عام انتخابات ھکے ݙینھ کراوݨ متعلق کیس دی سماعت کیتی۔ سماعت وچ اٹارنی جنرل آف پاکستان موقف اپنائے 19 اپریل کوں حکومت اتے اپوزیشن وچ پہلا رابطہ تھئے ،26 اپریل کوں ملاقات تے اتفاق تھئے ،25 اپریل کوں ایاز صادق تے خواجہ سعد رفیق دی اسد قیصر نال ملاقات تھئی اے ۔اسد قیصر ݙسایا او مذاکرات کیتے با اختیار کائنی ،گزریل ݙینھ حکومتی اتحاد دی ملاقاتاں تھئن ،ݙو جماعتاں کوں مذاکرات تے اعتراض ہئی لیکن رستہ کڈھیا ڳئے ،چیئرمین سینیٹ ایوان بالا اچ حکومت اتے اپوزیشن کوں خطوط لکھئن تے چار چار ناں منڳیے ۔چیف جسٹس ایں موقع تے پچھیا جو اسد قیصر دے بعد کیا کوشش کیتی ڳئی کون مذاکرات کیتے با اختیار اے؟چیئرمین سینیٹ نال کیڑھی حیثیت نال رابطہ کیتا ڳئے ؟جیں تے اٹارنی جنرل ݙسایا منڳل کوں میڈیا توں پتہ لڳے جو شاہ محمود قریشی مذاکرات کیتے با اختیار ہن،سینیٹ وفاق دی علامت اے ایں سانڳے چیئرمین سینیٹ کوں آکھیا ڳئے ، پیپلز پارٹی دے وکیل فاروق ایچ نائیک ایں موقع تے عدالت کوں ݙسائے سارے حکومتی اتحادی جماعتاں پی ٹی آئی نال مذاکرات تے آمادہ ہن،سینٹ واحد ادارہ اے جتھاں ساریاں جماعتاں دی نمائندگی موجود اے،چیئرمین سینٹ دا کردار صرف سہولت ݙیوݨ اے ،مذاکرات سیاسی جماعتاں کمیٹیاں ہی کرݨن ، اے سیاسی ایشو ہے ایں کیتے سیاسی قائدین کوں ہی مئسلہ حل کرݨ ݙتا ونڄے ،سیاست دا مستقبل سیاستداناں کوں ہی طے کرݨ ݙتا ونڄے ۔پی ٹی آئی رہنماء شاہ محمود قریشی عدالت دے سامݨے موقف اپنائے جو ساریاں جماعتاں دی سیاسی قیادت عدالت اچ پیش تھئی ہئی ۔ عدالت قومی مفاد اچ سیاسی جماعتاں کوں موقع ݙتا ،پی ٹی آئی میکوں ،چوہدری فواد حسین اتے علی ظفر کوں مذاکرات کیتے نامزد کیتا ہئی ،اسد قیصر حکومت کوں میں نال رابطہ کرݨ دا آکھیے ،شاہ محمود قریشی آکھیے پی ٹی آئی ڳالھ مہاڑ کیتے سنجیدہ ہے، اساں اڄ بہݨ کیتے تیار ہیسے ۔ چیف جسٹس ایں موقع تے شاہ محمود قریشی کوں الویندے ہوئیں آکھیے اے ڳالھیں ہن ، اساں کیس دی ڳالھ کریندے پیوں، فاروق ایچ نائیک ول روسٹرم تے آ تےعدالت دے سامݨے موقف اپنائے جو آئین اتے پارلیمنٹ کوں کون تلے ݙکھیندا پئے ، ایں تے نی ونڄݨ چاہندا ،شاہ محمود قریشی جیڑھی تقریری کیتی ایویں اتفاق رائے نی تھی سڳدا ،چیئرمین سینیٹ کوں ناں ݙیون کل ہی ٻہݨ کوں تیار ہن ،مولانا فضل الرحمان کوں سینیٹ مذاکرات تے آمادہ کیتے، فاروق ایچ نائیک آکھیے ٻہسن تاں ڳالھ تھیسی ، گلے شکوے تھیسن ، حل وی نکل آسی،حکومت دے ناں ترائے چار گھنٹے اچ فائنل تھی ویسن۔ اٹارنی جنرل آکھیے کوشش ہوسی جو ݙوہیں کمیٹیاں دی اڄ پہلی ملاقات تھیوے،1977 اچ سیاسی حالات اتنے کشیدہ کائناں ہن جتنے اڄ ہن ۔بعد اچ عدالت عظمیٰ معاملہ دی سماعت ملتوی کریندے ہوئیں قرار ݙتے جو اڄ دی سماعت دا مناسب حکم بعد اچ جاری کیتا ویسی ۔

مضمون کا ماخذ : وائکنگز گو برزرک

متعلقہ مضامین