انسانی سرمائے اچ ناکافی سرمایہ کاری دے مسئلے کوں ادارہ جاتی اتے سیاسی قیادت آلے پاسے حل کرݨ دی لوڑھ اے، صدر مملکت ڈاکٹر عارف علوی

اسلام آباد۔3اپریل (اے پی پی) صدر مملکت ڈاکٹر عارف علوی آکھیا جو انسانی سرمائے اچ ناکافی سرمایہ کاری دے مسئلے کوں ادارہ جاتی اتے سیاسی قیادت آلے پاسے حل کرݨ دی لوڑھ اے۔ سنوار کوں ہک ٹویٹ اچ انہاں آکھیا جو اداریاں اتے سیاسی قیادت تے قومی ذمہ واری اے جو او سنجیدگی ݙکھاون۔ متحد اتے ڈلیور کرن۔ صدرمملکت ایں ڳالھ تے افسوس کیتا جو حقیقت اچ اے ملک دے اصل مسئلے ہن پر انہاں حالات اچ اے مسئلے پچھوں رہ ڳن۔ ڈاکٹر عارف علوی اپݨے ٹویٹ اچ عالمی بینک اتے پاکستان ہیومن کیپیٹل ریویو دے ڈیٹا تے مبنہ ہک قومی روزنامچے اچ چھپݨ آلا مضمون وی شیئر کیتا۔ عالمی بینک دی ہک نویں رپورٹ اچ آکھیا ڳیا جو ڳھٹ انسانی سرمائے دی سرمایہ کاری پاکستان دے 2047 تئیں ہک اعلیٰ متوسط آمدݨ آلا ملک ٻݨݨ دی کوششاں کوں محدود کر ݙیسی۔

مضمون کا ماخذ : مڈاس گولڈ

متعلقہ مضامین