افغانستان اچ امن پورے خطے دے امن و استحکام کیتے بہوں اہم اے، وزیر خارجہ مخدوم شاہ محمود قریشی دی افغان طالبان سیاسی کمیشن دے وفد نال ڳالھ مہاڑ

اسلام آباد۔16دسمبر(اے پی پی)وزیر خارجہ مخدوم شاہ محمود قریشی آکھیے جو افغانستان اچ امن پورے خطے دے امن و استحکام کیتے بہوں اہم اے، پاکستان افغانستان اچ دیرپا، مستقل امن اتے بھراواں آلے تعلقات چاہندے۔اے ڳالھ انہاں افغان طالبان سیاسی کمیشن دے وفد نال الویندے آکھی جیندی اڳواݨی ملا عبدالغنی برادر کریندے پئے ہن۔ شاہ محمود قریشی دوحہ اچ امریکہ طالبان امن معاہدے اچ پاکستان دے مصالحانہ کردار دا ݙسیندے امن مذاکرات کوں چنڳاں قرار ݙتے۔ انہاں آکھیا جو افغان امن عمل اتے افغانستان دی تعمیر نو کیتے عالمی برادری کوں وݙا کردار ادا کرݨا پوسی، پاکستان افغانستان اعلیٰ سطح ملاقاتاں اہم رہین جو خطے اچ امن اتے خوشحالی کیتے ݙوہیں بھرا ملک رل تے کم کریسن۔ شاہ محمود قریشی افغان مہاجرین دی وطن واپسی، ہنرمند افغان طلباء کیتے پاکستانی یونیورسٹیاں اچ 1000 نویں وظائف سودھا ٻئےا قدامات دا ݙسایا۔ انہاں ݙوہان ملکان وچال، باہمی تعاون، تجارت و سرمایہ کاری سودھا اہم شعبیاں اچ ڳانڈھا ودھاوݨ تے زور ݙتا۔

مضمون کا ماخذ : quina prêmio acumulado

متعلقہ مضامین