قومی اسمبلی ملک اچ گیس دی لوڈشیڈنگ دے خاتمے سانگے حکومت ولوں اقدامات چاونڑ دی قرارداد منظوری کر گھدی

اسلام آباد ۔29نومبر (اے پی پی) قومی اسمبلی ملک اچ گیس دی لوڈشیڈنگ دے خاتمے سانگے حکومت ولوں اقدامات چاونڑ دی قرارداد منظوری کر گھدی اراکین آکھیا جو ملک توں گیس دی لوڈشیڈنگ دے خاتمے سانگے ایران پاکستان تاپی گیس پائپ لائن منصوبیں کوں عملی جامہ پوایا ونجے ۔ملکی سطح تے گیس دے ذخیرے دی دریافت سانگے اقدامات چاتے ویسن ۔گیس دی خستہ حال پائپ لائناں بدالیاں ونجن ۔منگل کوں قومی اسمبلی دے اجلاس اچ نعیمہ کشور خان آکھیا جو گیس دی لوڈشیڈنگ دے حوالے نال بحث تھی گی ہے ،ہنڑ صرف متعلقہ وزیر بحث کوں سانبھنڑاں ہے ۔ اعجاز جاکھرانی آکھیا جو فاضل رکن درست نشاندہی کیتی ہے ۔شازیہ مری آکھیا جو سردی دا موسم شروع تھی گیا ہے ۔گیس دی لوڈشیڈنگ نال عوام پریشان ہے ۔حکومت گیس تے بجلی دی لوڈشیڈنگ دا خاتمہ کرے ۔عائشہ سید آکھیا جو گیس دی لوڈشیڈنگ دی وجہ توں ماواں بالیں کوں ناشتہ وی کائناں ڈیندیاں ۔جنگلات دا کٹاﺅ ایں سانگے تھیندا پیا ہے ،حکومت این بد انتظامی کوں پرے کر تے چنگے اقدامات چاوے ۔ ڈاکٹر فہمیدہ مرزا آکھیا جو جڈاں تئیں عملی اقدامات نہ کیتے ویسن گالھیں کرنڑ نال کجھ وی کائناں تھیسی ۔وفاق تے صوبہ ،اتے بدین اچ گیس دی لوڈشیڈنگ شیڈول دے مطابق تھیونڑ یں چاہیدی ہے۔وفاقی وزیر قنون زاہد حامد آکھیا متعلقہ وزیر توانائی متعلقہ کمیٹی دے اجلاس اچ ہن ۔ڈپٹی سپیکر آکھیا جو کمیٹی پارلیمنٹ توں زیادہ اہم کائنی آئند ہ ایجھا اجلاس فلور تے نہ آوے ۔اگر انہاں ونجنڑاں ہا تاں وزیر مملکت یا کہیں کوں ڈسا تے ویندے ۔طاہرہ اورنگزیب آکھیا جو ایران پاکستان گیس پائپ لائن منصوبے اچ دیر کتھاں ہے ۔گیس دے نویں ذخیرے تلاش کیتے ونجن ۔ میجر (ر) طاہر اقبال آکھیا جو پاکستان اچ گیس دی سپلائی ڈیمانڈ توں 40 فیصد گھٹ ہے۔ حکومت ڈی محنت کیتی تے انڈسٹری کو ں پوری گیس ڈتی۔ ایل این جی دی درآمدتے عمل کوں تکھا کیتا ونجے تاں جو گیس دا مسئلہ حل تھیوے ۔ایران پاکستان اتے تاپی گیس منصوبیں تے چنگے انداز اچ کم تھیونڑاں چاہیدے ۔۔ نعیمہ کشور خان آکھیا جو اساڈی گالھ دا جواب کون ڈیسی۔ نوٹس کون گھندا پے۔ ڈپٹی سپیکرآکھیا جو وزارت دے لوک موجود ہن نوٹس گھندے پن ۔

مضمون کا ماخذ : sorteos da loteria

متعلقہ مضامین